Пра нас

Аб'яднаны цэнтр беларускіх ініцыятыў (JuBIC) - гэта няўрадавая арганізацыя, заснаваная ў Вільні, што займаецца рознабаковай дзейнасцю ў галіне сувязяў Літвы з Беларуссю.

Асноўная мэта JuBIC - пабудзіць Літву да актыўнай дзейнасці ў справе перадачы дэмакратычнага досведу ды ўзмацнення дэмакратычнай супольнасці ў Беларусі. JuBIC хоча бачыць Беларусь незалежнай, дэмакратычнай і квітнеючай дзяржавай, паўнавартаснай сяброўкай супольнасці еўрапейскіх краін.

Менавіта таму арганізацыя намагаецца паменшыць адлегласць паміж беларускім і літоўскім грамадствамі, што паўстала праз палітычную ізаляцыю Беларусі; наладзіць актыўныя сацыяльныя, культурныя, эканамічныя і неафіцыйныя палітычныя двухбаковыя сувязі; узмацніць супрацоўніцтва паміж недзяржаўнымі сектарамі.

Хто мы?

Мы - незалежная арганізацыя, створаная актывістамі Беларусі і Літвы, якіх хвалюе Беларусь ды яе будучыня.

У што мы верым?

Мы верым, што дэмакратыя і павага да асобы - гэта неабходныя ўмовы для ўтварэння моцнай, творчай і квітнеючай грамадзянскай супольнасці ў Беларусі.
Мы мяркуем, што Літва, Польшча, Украіна, Еўразвяз, ЗША ды іншыя краіны мусяць аб'яднацца з мэтай паспрыяць паспяховаму адраджэнню Беларусі.
Мы ўпэўненыя, што палітычная ізаляцыя Беларусі не павінна абазначаць таксама сацыяльную, культурную, эканамічную ізаляцыю.
Мы верым, што дэмакратыю немагчыма ствараць будуючы сцены, таму раім будаваць масты.

Што мы робім?

Мы ствараем і падтрымліваем ідэі ды ініцыятывы, якія тычацца Беларусі.
Мы інфармуем і кансультуем тых, хто мае намер удзельнічаць у разнастайнай грамадскай, сацыяльнай ці культурнай дзейнасці, накіраванай на ўсталяванне сувязяў з Беларуссю.
Мы намагаемся, каб літоўскае грамадства звяртала больш увагі на беларускія праблемы.
Мы хочам зрабіцца мастом паміж Літвой і Беларуссю, які злучыць няўрадавыя грамадскія арганізацыі, моладзь, бізнэсоўцаў, палітыкаў.

Будуйма масты разам.